Kajkavski z Gruntovca malo što razme vun podolja od Pitomače i Starog Graca na istoku do maksimalno međimurski sel, jempot je težak z Moslavine rekel da je to zmišleni jezik za TV serijo "Gruntovčani" jer nigdar neje bil niti v Đurđevcu, Koprivnice, a niti vu Čakovcu ili Murskom Središču. Se si normalen kajkavec more misliti da se je puno toga v zadnji fajn let pogospočilo i da se čak pravi govorniki srame pred gospočijom venodijati svoj domaći, kak' vele gospoda, zavičajni jezik. Još puno prije ovoga sem si premišlal kak' bi za Ogenj kojega mi v Đurđevcu zovemo Jogen, trebalo napisati recenziju na našem domačem (sê s trdo 'Č'), autohtonom izrazu. E, pa došlo je to pretepanje sena na sinokoše dok se bere kukuruz (a ne 'kuruza') i gorice (a ne 'vinograd'). Nebom vam tu nekaj objašnjaval kaj koja reč znači, ak' se frontmen Tomek (Tomislav Mihac Kovačić) neje dost izjasnil na prijašnja dva albuma kaj venodija i popevle, režiserung ovoga trejtega albuma vam bo menje jasen nego kaj so to bili prijašnji. Svet po selu zna venodijati bedastoće samo zato kaj ih ne razme, rečemo da samo sluša mužiko ko da čuje klepanje kose vu svojem ili susedovom dvoru prek plota, ide kak klopotec kaj se ne nemre staviti i onda najempot, Kristuša ti, kovačnica od četiri potkivača prehobla prek oblibanka v takovo melodijo da te flikne z gemištima i prestaneš gaziti siloša!



Na mlekare v Kunovec Bregu se jako pripovedalo baš o političkom smislu "RepubliKaj", jel' dober ili neje, nabijali so si kante z mlekom na glavo, a mam sem se setil kak' se moj pokojni japa mlatil z materom (mojom pokojnom bakom) za grunt i hižo kaj denes ama baš ništ ne vrede. Tu neje bilo nikakovi emocij osim mržnje i bedastoga stava 'boš videl kaj te čeka v peklu'. Tomek i ekipa so nekaj suprotno, pokušavam to venodijati, a i on, ali baš malo koj čuje kaj se tu dela na nekakve umetničke razine, onak, grubo rečeno, prva dva albuma so prešla zato jer so bila krumperski s puno religijskog deherbana gde drač nemre rasti, a niti zlatica ga napasati, a ov je puno grešneši i opasneši jer prvi nekuliko pesmi sigurno neso za mlekaro - "Lafe" je pesma za zabave vu zadružnom domu dok na plakatu stoji predgrupa The Jesus Lizard, svašče bu otišel na kršćansko zabavo gde se pripoveda "Navek on živi" v manjše žestokom težačkem stilu, onak' kak' se kosi sinokoša ob 3 vure v noči prede nek kaj dojde rajne i velika vročina, ne veli se zabadav 'ide kosa dok je rosa' momlavši Kristuša i apostole do kraja života. More se venodijati da je to fundamentalistička pesma negdašnjeg black metalca z benda Božje Ovčice, ak' se sećate (odličan album "Beeeeeee!!!",www.terapija.net/mjuzik.asp?ID=17857 Dobry Towar Records, 2013). Dojde trejta "Da sam znal" isto fajn močna kak rakija, boben vudara jakše od kovača kaj dela bakrenoga kotla za rakijo, a bormeš more vudriti i ko plavič, samo baš i neje venodijanje o rakije nego o koječemu okraj živlenski pizdarij z seksom: nemu se oče, ne se neče, štel bi, a ona neje valda muška. Treba potrefiti. To je nekaj jako slično kak' je Iggy Pop z kukuruza krej Detroita vreščal 'oču biti tvoj cucek', al da ne hodamo po cvrtju. Najte me pitati zakaj je to naziv dok mladenci s povorkom klencer i klenceric hodajo po selu z mužikaši i jučo: cvrtje so zlupana kokošja jajca pečena na kocenju, gospočija to vele 'kajgana', a valda ima nekakove zafrkancije v zlupane nevinosti. Konačno se bodo žeklali v postele...

Pesme ido... "Mešter" gre v melodijo Cinkuša, imajo i jegede, Tomek lepo popevle za festival Krapina i Pitomača ili barem za đurđevečko Picokijado, a traje samo četiri minute. "Nepravilna" počima z nekakvešnim Tool pajdašijama, gre v žestoki hardcore, ti bokca, čak bi i rani System Of A Down ovo šteli, a ondar se na kraju pojavi jazz z ambijentalnemi verestuvanjem.



I vezdaj se sê zmeni: "Kyrie feat. Doris Karamatić" (igra harfo), tempo se spušča na vojno koračnico v zimo, megla se zgubila, bodê došel Božič i za Ukrajino i Rusijo i Hrvacko i Srbijo i Crno Goro i Makedonijo i Bugarsko i Bosno i Slovenijo i Mađarsko, "Perce" se seti čejanja perja dok so dečki vabili dekle pod oblokom, ma zafrkavam se, neje baš tak, neg nekak drugač za one kaj morejo zrazmeti i sê gre v obžinjanje drača, kak' je Kristuš rekel 'nebote najebali ak' gorice neste delali, al bote najebali ak vas gazda strefi da so gorice neobdelane', tu nas Tomek vrača skup z "Zovem Boga svojim" (6.14) na oltar pobožnosti. V stvari, preteravam subjektivno i znam da nesem vu pravu. Ono kaj neje mogel z Božjim Ovčicama, mogel bi s Jognom jer je postal več fajn poznat. Vu ove pesme ima odličen prog-rock/ gothic moment od trejte do četrte i pol minute - to je Tomek, novi i puno bogateši, mužika za cirkve z kojom bi se mogel, po moje preporuke baviti puno ozbiljneše, ono, kak' domeštrant kaj bo partiture orgulj pretvoril v gitarsko mužiko post-rocka, jebate, ak' so Tangerine Dream igrali po cirkvaj, a bil sam i na koncertu doom-metala v Grazu, v cirkvi www.terapija.net/koncert.asp?ID=5376 (31/10/2008), ne vidim zakaj i Ogenj ne bi mogel igrati pred pobožnemi licemeri koji ima po našem gruntu kuliko ti herc oče, više neg drača.



Zadnji del albuma so napenalene za tamburanje po proščenju i svatovsko prošencijo (punk-čardaš "Spasenje"), naslovna "Republikaj" se več raneše čula jer tamburaški momla o lepote našega horvackoga grunta kojemu nikaj ne fali, a isto se predem toga slušala i "Vojna" z vokalnim folk ansamblom Koprivnica, jegedami Lukine Iverca i starem soldatom Vladom Kreslinom z dežele kaj popevle kajkavski čist normalno ko da je negde z Hlebin, Sigeca, Legrada, Delov, Virja... š čem je pokazal kak je slovenski i naš kajkavski z Podravine skoraj pa isti jezik kaj pravzaprav i je v truc onemi kaj verujo Ljudevitu Gaju i Ilirskom preporodu da so to dva drugačkvejša venodijanja besed. Kalištoli. Oni kaj razmejo ovo pesmo, lepo je za čuti optimizem da se je soldat Joža vrnol makar je majka platila mešo v cirkve. Kaj se tiče ovakvoga posla z međašom, fest je šiktav kak valcer na kojega se nemreš poškliznoti. Ak neste znali, baš je ta pesma bila na nijovem prvem demo materijalu kojega sem recenziral www.terapija.net/mjuzik.asp?ID=25353 još v jesen 2016. dok kila žgancov neje bila skupleša od kile piščeta i pajceka, a o Euru nesmo niti razmišlali da nas tak bode pojel i zgrabil jakše neg ona kriza z 2008.

Kuliki zavičajni nobles naivci bodo nekaj z vremenom pisali o ovom bendu, tam negde, dok više kukuruzne mekote ne bo. Stari naivci so risali bezvezne slike kaj neso imale niti nadrealizam: bile so duhoviti bezvezni prikazi žmekoga seljačkog života.



Do cukta je album pretepanje i zgrinjanje otave v najbolšem periodu. Prije kaj so napravili, mene neje selo i vužgalo, valda zato kaj sem prestar, malo sem si i prečital kaj ugledni post Austro-Ugarski, denes EU portali pišo, oni cehovski, zaduženi za biznis i 'kontrolu kvalitete', a takov je baš bil i naš glavni izdajica, spomenuti Gaj kaj se sramil kukuruza i žgancev, sad dobiva jeden lepi umetnički pamflet nekuliko rasoj gnoja po glav skoraj 200 let kak nas je sê kajkavce zajebal da nesmo isti. A Cankar je pisal baš o tomu da se ne treba sramiti seljačke materine suknje i domačega jezika pred gospočijom z Beča i Budimpešte.

Naslovi: 1.Lafre, 2.Navek on živi, 3.Da sam znal, 4.Mešter, 5.Nepravilna, 6.Kyrie feat Doris Karamatić, 7.Perce, 8.Zovem Boga svojim, 9.Spasenje, 10.RepubliKaj, 11.Vojna feat. Vlado Kreslin

ocjena albuma [1-10]: 8

horvi // 10/10/2024